MALDIVAE

MALDIVAE

Gallis les Maldives, Insulae Indiae, in mari Indico, fere 130. leuc. a promontor. Comorino in OOrtum, maiori ex parte satis parvae. Extendunturque a Septentrione in Meridiem per 300. circiter leucas numero 10000. Sed dividuntur in 13. partes, Atollons dictas: nempe. Tilladou Matis, Lusitanis Cabexa des Ilbas i. e. caput Insularum, Milladove Madove, Padypola, Malos Madou, Ariatollon, Male Atollon, ubi Mala Insul. Poulisdou, Moluque, Nillandoux, Collomadoux, Adoumatis, Savadou, Addou, et Pove Molluque; quae duae ultimae pro una censentur. Sub Rege proprio, cuius sedes in Male Insul. circuitus 5. mill. pass. Vide Franc. Pirardum, Aremoricum. Hinc Archipelagus Maldivarum nomen habet. Multitudinem hanc intercursantes Euripi faciunt, adeo angusti, ut alibi navium antennae iubas arborum deterant, alibi etiam qui valentiores sunt viribus, ramô quôpiam manibus apprehensô, ex una in alteram insulam transmittant. Vide Franc. Pirardum, descr. Maldiv. Maffaeum et Linschotum, bist. Ind.